वारद येथे अखंड भक्तीरसामृत यज्ञोत्सवाचे आयोजन

 वारद येथे अखंड भक्तीरसामृत यज्ञोत्सवाचे आयोजन

माय मराठी न्युज : वृत्तसेवा                                          वारद  : २ मे , 

                       

              रायगड भूषण ,गुरुवर्य ह.भ.प. रामदास ( भाई ) महाराज पाटील यांच्या प्रेरणेने व  ह.भ.प.हनुमंत विष्णू लभडे यांच्या संकल्पनेतून,ज्ञानेश्वर महाराज पाटील (खानाव )यांच्या मार्गदर्शनाखाली तृतीय वर्षी अखंड भक्ती रसामृत यज्ञोत्सव आयोजन वारद येथे करण्यात येणार आहे.सदर या कार्यक्रमास वारकरी,सामाजिक सांस्कृतिक,शैक्षणिक,राजकीय,अश्या विविध माध्यमात काम करीत असलेले  या यज्ञोत्सव उपस्थिती राहणार असल्याचे समजते.                                                                      पहाटे काकडा आरती,ज्ञानेश्वरी पारायण,भजन,प्रवचन,हरिपाठ,कीर्तन,जागर भजन अदि कार्यक्रम या यज्ञोत्सवाच्या ठिकाणी होणार आहे.तसेच या ठिकाणी महाराष्ट्रातील थोर कीर्तनकार यांचे कीर्तन  रोज रात्री ९ ते ११ कीर्तन होणार आहेत.                                                    पहिल्या दिवशी प्रवचन  २ मे रोजी  ह.भ.प. जयेश महाराज पाटील (वडगांव ) तसेच रात्री  ह.भ.प. अनिल महाराज पाटील ( बार्शी )अध्यापक - जोग महाराज वारकरी शिक्षण संस्था,यांचे किर्तन होइल ,३ मे  रोजी  प्रवचन ह.भ.प.अनंत महाराज मोरे ( चावंढोली ) तसेच  ह.भ.प.दयानंद महाराज कोरेगावकर  (जामखेड  )यांचे कीर्तन होणार आहे.शनिवार ३ मे रोजी दीपोत्सवाच्या माध्यमातून या कार्यक्रमांची सांगता होणार आहे.काल्यांचे कीर्तन ४ मे रोजी गुरुवर्य - ह.भ.प.रामदास (भाई )महाराज पाटील गुरुकुल - महड ) यांचे होणार असून,वारद येथिल ग्रामस्थ  मंडळ यांचे सहकार्य लाभणार आहे.