व्हाईस ऑफ मिडिया संघटनेच्या खोपोली शहर अध्यक्ष पदी किशोर साळुंखे यांची निवड

 व्हाईस ऑफ मिडिया संघटनेच्या खोपोली शहर अध्यक्ष पदी किशोर साळुंखे यांची निवड

हनुमंत मोरे

खोपोली /वावोशी १७ जुलै,

                    संपूर्ण भारतीय देशात अल्पावधित लोकप्रिय ठरलेल्या पत्रकारांच्या न्याय हक्कासाठी लढणाऱ्या व्हाईस ऑफ मीडिया या संघटनेचा कोकण मेळावा खालापूर तालुक्यात संपन्न झाला.  समारंभात व्हाईस ऑफ मीडिया संघटनेच्या खोपोली शहर अध्यक्षपदी पत्रकार किशोर साळुंखे यांची नियुक्ती करण्यात आली.

               व्हाईस ऑफ मीडिया ही पत्रकारांची संघटना संपूर्ण देशभरात कार्यरत असून पत्रकारांच्या न्याय हक्कासह पत्रकारांना नव्याने काही घटनात्मक तरतुदी उपलब्ध होतील का? यासाठी  प्रयत्नशील असणारी संघटना तसेच सर्व पत्रकार संघटणांना एकत्र करून कमी करण्यासाठी धडपड करणाऱ्या या संघटनेचा कोकणस्तरीय मेळावा खालापूर तालुक्यात भरविण्यात आला. संघटनेचे राष्ट्रीय उपाध्यक्ष फिरोज पिंजारी, राष्ट्रीय संघटक खलील सुर्वे, रायगड जिल्हा अध्यक्ष प्रभाकर गंगावणे, सदस्य राजेंद्र जाधव यांच्या योजनेतून सदर मेळाव्याचे आयोजन करण्यात आले.

                     यावेळी संस्थेचे अध्यक्ष संदीप काळे व प्रदेश अध्यक्ष अनिल म्हस्के यांच्यासह प्रमुख पदाधिकऱ्यांच्या उपस्थितीत खोपोली शहर अध्यक्षपदी पत्रकार किशोर साळुंखे यांची निवड करण्यात आली. तसेच खालापूर तालुका अध्यक्ष पदी दीपक जगताप, उपाध्यक्ष पदी सुधीर देशमुख, संघटक पदी शिवाजी जाधव, सरचिटणीस पदी संतोष गोतार्णे व जमालुद्दीन शेख तर प्रसिद्धी प्रमुख पदी गोपीनाथ सोनावणे यांची नियुक्ती करतानाच राज्यातील विविध जिल्हास्तरीय नियुक्त्या जाहीर करण्यात आल्या.