तळा तहसीलदार स्वाती पाटील यांचे हस्ते पुसाटी येथे वृक्षारोपण

 

तळा  तहसीलदार स्वाती पाटील यांचे हस्ते पुसाटी   येथे वृक्षारोपण

कृष्णा भोसले

तळा : १४ जुलै, 

           तळा शहरातील पुसाटी येथे तहसीलदार स्वाती पाटील यांच्या हस्ते वृक्षारोपण करण्यात आले.पर्यावरणाचा होणारा ऱ्हास थांबविण्यासाठी तसेच पर्यावरणाचा समतोल राखण्यासाठी जागतिक पर्यावरण दिनाचे औचित्य साधून तळा शहरातील पुसाटी येथे वृक्षारोपण करण्यात आले.

           अधुनिकीकरणाच्या नावाखाली मोठ्या प्रमाणावर वृक्षतोड होताना पहायला मिळत आहे. शहरासह ग्रामीण भागातही विकासाच्या नावाखाली जंगलतोड केली जात,असून यामुळे पृथ्वीवरील जीवसृष्टीला मोठ्या प्रमाणावर हानी पोहचत आहे.तसेच पृथ्वीवरील अनेक प्रजाती नष्ट होत चालल्या असून पृथ्वीवरील संतुलन बिघडले जात आहे.

         यावेळी २०० बांबूची रोपे व १५० इतर जातींची रोपे असे एकूण ३५० रोपांची लागवड करण्यात आली. याप्रसंगी तळा तहसीलदार स्वाती पाटील,मुख्याधिकारी माधुरी मडके,नगराध्यक्षा अस्मिता भोरावकर, उपनगराध्यक्ष चंद्रकांत रोडे यांसह नगरसेवक तसेच कर्मचारी मोठ्या संख्येने उपस्थित होते