साजगाव मंदिर ते ताकई व साजगाव फाटा ते धाकटी पंढरी स्मशान भूमी येथील रस्ता संदर्भात खोपोली खालापूर संघर्ष समिती करणार बेमुदत साखळी उपोषण..

संबंधित प्रशासनास पत्राद्वारे दिला इशारा...

डॉ.शेखर जांभळे यांच्या नेतृत्वाखाली छेडणार आंदोलन...

माय मराठी न्युज : वृत्तसेवा

खालापूर : २८ फेब्रुवारी

साजगाव मंदिर ते ताकई रोडचे काम पूर्ण झालेले आहे.परंतु या रस्त्यावर अनेक ठिकाणी खड्डे पडलेले असल्याने नागरिकांना त्रासाला सामोरे जावे लागत आहे.प्रशासनास लेखी तक्रार,विनंती करुन देखील केवळ प्रशासन आश्वासन देण्यामध्ये मग्न असल्याने चित्र पहावयांस मिळत आहे.खड्यामुळे नागरिकांचे शारीरिक व्याधी वाढत चालली आहे.त्याच बरोबर साजगाव फाटा ते धाकटी पंढरी स्मशान भूमी पर्यंत जाणारा रस्ता वनखात्याच्या परवानगीच्या कात्रीत अडकल्यामुळे या कामात गती मिळत नसल्यांचे समोर येत आहे.

दोन्ही रस्ताच्या कामासंदर्भात खोपोली खालापूर संघर्ष समिती सातत्याने पाठपुरावा घेत असुन प्रशासन हतबल होत आहे.साजगाव ताकई खड्डा दुरुस्तीचे काम न झाल्यास १७ मार्च रोजी तर, साजगाव फाटा ते धाकटी पंढरी येथील स्मशानभूमी पर्यंतच्या रस्त्याचे काम न झाल्यास ४ एप्रिल पासून संबंधित प्रशासनाच्या कार्यालयासमोर बेमुदत साखळी उपोषणास सुरुवात करणार आहेत.

या संघर्ष समितीने वेळोवेळी आवाज उठून नागरिकांचे प्रश्न मार्गी लावले आहे.या विषयावर आवाज उठवून नागरिकांना न्याय देण्यात यश आलेले आहे. नागरिकांच्या वाढत्या तक्रारी लक्षात घेता या विषयावर समिती पुन्हा एकदा लढा देऊन संबंधित विषय मार्गी लावेल. या आंदोलनात विविध संस्था व नागरिक सहभागी होतील.