राष्ट्रवादी काँग्रेस पक्षाच्या खालापूर तालुका अध्यक्षपदी ॲड.संतोष बैलमारे

हनुमंत मोरे

खोपोली/वावोशी १८ जुलैै,

राष्ट्रवादी काँग्रेस पक्षाचे एक विश्वासू कार्यकर्ते म्हणून ॲड.संतोष बैलमारे ज्यांची खऱ्या अर्थाने सर्वदूर ओळख निर्माण झाली आहे.सावरोली सारख्या ग्राम पंचायतीमध्ये प्रबळ असलेल्या विरोधकांना चितपट करून पक्षाला एकहाती विजय मिळवून दिला होता त्यामुळे पक्षाने त्यांच्या खांद्यावर विधानसभा अध्यक्ष पदाची जबाबदारी सोपविली होती त्या जबाबदारीतही ते यशस्वी झाल्याचे पहायला मिळाले,

सध्या पक्षात पडलेल्या फुटी मुळे खालच्या पातळीवर जोमाने व एकनिष्ठेने काम करणाऱ्या कार्यकर्त्यांची गरज ओळखून त्यांना पक्षाने खालापूर तालुका अध्यक्ष पदाची जबाबदारी सोपविली आहे.त्यांच्या निवडीचे पत्र नुकतेच देण्यात आल्या नंतर त्यांचे अभिनंदन खालापूर तालुक्यातील राष्ट्रवादी काँग्रेस पार्टीच्या कार्यकर्त्यांनी पुष्पगुच्छ देवून केले.

ॲड.संतोष बैलमारे हे पेशाने जरी वकील असले तरी त्यांनी समाजाप्रती जोपासलेली माणूसकी त्यांच्या कामाची खरी ओळख निर्माण करून देणारी आहे.ते राहत असलेले सावरोली गावात विरोधकांचे प्राबल्य मोठे होते.गेली अनेक वर्ष विरोधक एकहाती सत्ता घेत होते.यामुळे पक्षाला मोठी गळती लागली असतांनासुध्दा दांगडा विश्वास मनाशी बाळगून पक्षाचे निष्ठेने काम केले आणि पक्षाचा झेंडा ग्राम पंचायतीवर फडकावून दाखविला.हा विश्वास त्यांच्यात आहे आणि हेच पक्ष श्रेष्ठींनी हेरले व त्यांच्यावर पक्षाच्या कठीण काळात विविध पदांची जबाबदारी सोपविण्याचे काम केले,

आपणावर सोपविण्यात आलेली जबाबदारी मग ती कोणतीही असो आपण आपले काम प्रामाणिकपणे करायचे हाच उद्देश डोळ्यासमोर ठेवणाऱ्या ॲड.संतोष बैलमारे यांना पक्षातील फुटी नंतर खालापूर तालुक्यातील पक्षसंघटन उभी करण्याची जबाबदारी सोपविण्यात आली आहे ते याही जबाबदारीत यशस्वी होतील असा विश्वास तालुक्यातील कार्यकर्ते व्यक्त करीत आहेत.

____ तालुकाध्यक्ष पदाची जबाबदारी स्वीकारल्यानंतर त्यांचे तालुक्यातील कार्यकर्त्यांनी अभिनंदन करून पुढील वाटचालीस शुभेच्छा दिल्या, यावेळी जेष्ठ नेते हनुमानशेठ पिंगळे,सुधाकरशेठ घारे,एच.आर.पाटील,अंकित साखरे, विश्वनाथ पाटील,भूषण पाटील आदी अन्य मान्यवर उपस्थित होते.