सोनसडे ग्रामपंचायतीची विशेष ग्रामसभा संपन्न!,कडुलिंब ची होणार लागवड
कृष्णा भोसले
तळा : ११ ऑगस्ट,
तळा तालुक्यातील ग्रामपंचायत सोनसडे येथे विशेष ग्रामसभा आयोजन करण्यात आले होते. सभेसाठी उपस्थित ग्रामस्थांनी नुकतेच निधन झालेले जि. प.सदस्य कै. बबन चाचले,सरपंच मॅडमचे वडील कै. बाळु धोंडू लाबांकणे, कै. जान्हवी अनिकेत बोंबले, कै. गोविंद अडखळे, यांना श्रद्धांजली वाहण्यात आली.यावेळी ग्रामसेवक उमाजी माडेकर यांनी येत्या १३ ते १५ या तीन दिवस दिवशी प्रत्येकांनी आपल्या घरासमोर झेंडा फडकवावा असे आवाहन केले. 
यावेळी पंचप्राण प्रतिज्ञा घेण्यात आली. जेष्ठ सदस्य परशुराम वरंडे, पत्रकार कृष्णा भोसले यांनी देशा प्रती स्वातंत्र्यविरांबद्दल माहीती सांगितली, विशेष म्हणजे शाळकरी विद्यार्थ्यांनी आपल्या देशाला मिळाले स्वातंत्र्य यावरती उत्तम असे वेशभूषा करून उपस्थित ग्रामस्थांची मने जिंकली,त्याच बरोबर काही विद्यार्थ्यांनी देश भक्तीवर उत्तम अशी गिते गावून अनेकांना मंत्रमुग्ध केले.मुलांच्या मध्ये असलेल्या या कलागुणांना प्रोत्साहन देण्यांची गरज असल्यांचे ग्रामस्थांकडून बोलले गेले.
त्याच बरोबर आपले गाव हिरवे गार आणी पर्यावरण पुरक असावे यासाठी अमृत रोपवाटिका साठी ७५ कडुनिंब देशी झाडांचे वाटप करण्यात आले. या रोपवाटिकेचे कलमशेत येथे वृक्ष लागवड व संवर्धन करण्यात येणार असून या माध्यमातून निसर्गाचा समतोल आबाधित राहून आयुर्वेदात त्यांचे खूप महत्त्व आहे.यावेळी सरपंच माधुरी पारावे यांचे अध्यक्षतेखाली ग्रामसभा घेण्यात आली. उपसरपंच, सदस्य, सोनसडे, कलमशेत, वावेहवेली, येथील ग्रामस्थ मोठ्या संख्येने उपस्थित होते. राष्ट्रगिताने या ग्रामसभेची सांगता करण्यात आली.
0 Comments