भाजपाच्या माध्यमातून,आयोजित खेळ पैठणीचा कार्यक्रम, महिलांची अलोट गर्दी

 भाजपाच्या माध्यमातून,आयोजित खेळ पैठणीचा  कार्यक्रम, महिलांची अलोट गर्दी 

पाताळगंगा न्युज : वृत्तसेवा 

खालापूर : ७ ऑक्टोबर,

                  खालापूर तालुक्यात ग्रामीण भागातील वावोशी या ठिकाणी भाजपाच्या खालापूर तालुका मंडळ विभागाच्या वतीने महिलांचा महामेळावा आयोजित करण्यात आला होता.या मेळाव्याला जवळपास पंधराशे पेक्षा जास्त महिलांनी हजेरी लावल्याने खेळ पैठणींचा कार्यक्रम हाती घेण्यात आला. 

        शासनाच्या वतीने महिलांसाठी राबविली जाणारी लाडकी बहिण योजनेचे संकल्पक राज्याचे उपमुख्यमंत्री देवेंद्र फडणवीस हे असून त्यांनीच सदरची योजना कार्यान्वित केली आहे.लाडक्या बहिनींंचा लाडका देवा भाऊ असल्याने या योजनचा नक्की महिलांना काय फायदा झाला आहे.याची माहिती घेण्यासाठी सदरच्या मेळाव्याचे आयोजन करण्यात येत असल्याचे भाजपाचे रायगड जिल्हाध्यक्ष अविनाश कोळी यांनी आपल्या मनोगतात व्यक्त केले.

            नवरात्र उत्सवात महिलांनी एकत्र यावे या मुख्य उद्देशाने या कार्यक्रमाचे आयोजन संपूर्ण जिल्हाभरात होत असल्याची माहिती त्यांनी दिली.

सदरचा कार्यक्रमाचे नियोजन जिल्हा परिषदेचे माजी सभापती नरेश पाटील, जिल्हा उपाध्यक्ष विठ्ठल मोरे,सनी यादव,नागेश पाटील,रविंद्र पाटील,भरत महाडिक,सुजाता दळवी,श्वेता मनवे, निकीता हेलंडे,वत्सला मोरे यांच्या प्रमुख मार्गदर्शनाखाली करण्यात आले होते.या कार्यक्रमाला भाजपा रायगड जिल्हाध्यक्ष अविनाश कोळी,कर्जत विधानसभा संघटक किरण ठाकरे, अश्विनीताई पाटील,संदीप पाटील, रविंद्र मोरे,विकास रसाळ, प्रविण मनवे आदी अन्य मान्यवर उपस्थित होते.

____ भाजपाचा ग्रामीण भागातील पहिलाच कार्यक्रम हाऊसफुल्ल ---

या कार्यक्रमाला पाचशे महिला उपस्थित राहतील असा अंदाज भाजपाच्या वरिष्ठांनी व्यक्त केला होता मात्र भाजपाच्या ग्रामीण भागातील धडाडीच्या कार्यकर्त्या श्वेता प्रविण मनवे यांनी आपल्या नेतृत्वाचे कसब सिध्द करून भाजपाच्या वरिष्ठांना दखल घेण्याची पाळी या कार्यक्रमाच्या माध्यमातून दाखवून दिली.कार्यक्रम सुरू करतानाच १२०० शे महिलांनी हजेरी लावली होती आणि त्यानंतर आलेल्या महिलांना हॉलच्या बाहेर खुर्चांची व्यवस्था करावी लागली.साधारणपणे पंधराशेच्या वरती महिलांनी या कार्यक्रमाला हजेरी लावल्याचे दिसून आले, त्यामुळे भाजपाचा ग्रामीण भागातील पहिलाच कार्यक्रम हाऊसफुल्ल झाल्याचे स्पष्ट झाले.

____ लाडक्या बहिणींचे मनोरंजन झाले ---

खालापूर तालुका भाजपा मंडळाच्या वतीने आयोजित महिला मेळाव्याला महिलांची लाभलेली उपस्थिती अभूतपूर्व असली तरी या उपस्थितीला भाजपाच्या वतीने मनोरंजनाचा जो खेळ घेतला गेला या खेळामुळे आनंदी झालेल्या महिलांना बक्षिसाची सुद्धा गरज नसल्याचा आनंद त्यांच्या चेहऱ्यावर दिसून येत होता.

___ कोट - 

शासनाची जी लाडकी बहिण योजना आहे त्या संकल्पनेचे खरे सुत्रधार उपमुख्यमंत्री देवेंद्र फडणवीस आहेत.त्यांनी या योजनेसाठी अथक मेहनत घेतली असल्याने या योजनेमुळे महिलांच्या नक्की काय प्रतिक्रिया आहेत हे समजून घेण्यासाठी संपूर्ण राज्यभरात भाजपाच्या वतीने महिलांचे मेळावे घेतले जात आहेत.

___ सनी यादव

उपाध्यक्ष - भाजपा रायगड

____ कोट -

रायगड जिल्ह्यात भाजपाच्या वतीने आयोजित खालापूर तालुक्यात ग्रामीण भागातील महिलांचा हा पहिलाच कार्यक्रम आहे.या कार्यक्रमाला आमच्या वरिष्ठांनी पाचशे महिलांची उपस्थिती विचारात घेतली होती मात्र या ठिकाणी आलेल्या पंधराशे पेक्षा जास्त महिलांची उपस्थिती आम्हाला नवी प्रेरणा देणारी आहे.

___ श्वेता प्रविण मनवे

महिला कार्यकर्त्या