माजगाव केंद्रात 'ज्ञानदीप महोत्सव' उत्साहात संपन्न
माय मराठी न्युज : वृत्तसेवा
माजगाव : ९ जानेवारी,
माजगाव केंद्राचे केंद्रीय प्रमुख जे.पी.परदेशी यांच्या संकल्पनेतून आणी राजिप केंद्र शाळा माजगाव, येथे 'ज्ञानदीप महोत्सव चे आयोजन करण्यात आले.यावेळी केंद्रस्तरिय शिक्षकांच्या गुण-कौशल्ये,बौध्दीक -मनोरंजनात्मक विविध स्पर्धा अधीक्षक प्र.पो.श.नि. - दीपा परब व पं.स.खालापूर यांच्या अध्यक्षतेखाली संपन्न झाल्या.
यावेळेस मान्यवरांचे स्वागत परंपरागत पद्धतीने न करता माझी वसुंधरा उपक्रमांतर्गत पर्यावरण पूरक पद्धतीने फुलझाडे व कागदी पिशवी देण्यांत आल्या. ज्ञानदीप महोत्सवात शैक्षणिक साहित्य निर्मिती, फलक लेखन, स्पॉट स्पीच, कॅरम, संगीत खुर्ची, दोरी उडी, तसेच विविध मनोरंजनात्मक स्पर्धांचा समावेश करण्यांत आला. "अशा प्रकारच्या शिक्षकांच्या स्पर्धा रायगड जिल्ह्यात प्रथमच होत असल्याचे मत अध्यक्ष दीपा परब यांनी व्यक्त केले.
माजगाव केंद्रातील सर्व शिक्षक व शिक्षिकांनी या स्पर्धांमध्ये उत्स्फूर्त सहभाग घेतला. तसेच स्पर्धेची पारितोषिके सरपंच दिपाली नरेश पाटील व मा. उपसरपंच राजेश पाटील यांनी दिले.हा कार्यक्रम यशस्वी करण्यासाठी केंद्रीय प्रमुख, केंद्रीय मुख्याध्यापक तसेच, माजगाव केंद्रातील सर्व शिक्षकांनी मेहनत घेतली.हा कार्यक्रम शिक्षकांचा आनंद,प्रेरणा व आत्मविश्वास वृध्दिंगत करणारा ठरला असून,माजगाव केंद्रातील सर्व शिक्षकांच्या मेहनत व उस्फुर्त सहभागामुळे हा नाविन्यपूर्ण कार्यक्रम यशस्वीपणे पार पडला.
या प्रसंगी वरिष्ठ विस्तार अधिकारी शिल्पा दास पवार, माजगाव ग्रामपंचायत लोकनियुक्त सरपंच दिपाली पाटील, उपसरपंच प्रांजल जाधव, मा.उप सरपंच राजेश पाटील,नरेश पाटील, बिर्ला कार्बन सी.एस.आर प्रमुख लक्ष्मण मोरे, सिप्ला सी.एस.आर च्या उल्का धुरी आदी मान्यवर उपस्थित होते.या कार्यक्रमाचे सूत्रसंचलन माजगाव शाळेच्या उपशिक्षिका रेखा जाधव यांनी केले.
--------------चौकट------------
शिक्षकांना या स्पर्धांमधून गुण-कौशल्ये विकासाची प्रेरणा मिळेल"
ग्रूप ग्राम पंचायत माजगांव सरपंच दीपाली पाटील
--------------चौकट------------
"विद्यार्थ्यांचे व्यक्तिमत्त्व घडविण्यात शिक्षकांची भूमिका महत्त्वाची असून, शिक्षकांच्या व्यक्तिमत्त्व विकासासाठी अशा स्पर्धा महत्त्वाच्या
मा.उप सरपंच राजेश पाटील
0 Comments