पनवेल पोलीस ठाण्याच्या माध्यमातून शालेय विद्यार्थ्यांना वेगवेगळ्या विषयातून जनजागृती

संजय कदम

पनवेल : ७ ऑगस्ट,

पनवेल तालुका पोलीस ठाणे हद्दीतील केवाळे हरीग्राम, पनवेल येथील सरस्वती एज्युकेशन फाऊंडेशन विद्याधिराज चॅरिटेबल ट्रस्टचे, कृष्ण अकॅडेमी हायस्कूल या ठिकाणी पोलीस ठाण्याच्या वतीने विद्यार्थ्यांना वेगवेगळ्या विषयातून जनजागृती करण्यात आली.

पनवेल तालुका पोलीस ठाण्याचे वरिष्ठ पोलीस निरीक्षक अनिल पाटील यांच्या मार्गदर्शना खाली सपोनि विवेक भोईर यांनी उपस्थित विद्यार्थ्यांना यांना गुड टच व बॅड टच याविषयी तसेच अंमली पदार्थाचे मानसिकतेवर होणारे दुष्परिणाम या विषयी मार्गदर्शन केले त्याच प्रमाणे पोलीस विभागांकडून समाजासाठी दिल्या जाणा-या सेवेबाबत माहिती देण्यात आली व आपत्कालीन परिस्थितीत तात्काळ पोलीस मदतीकरीता डायल 112 चे महत्व सांगून जनजागृती करण्यात आली, सदर वेळी 15 शिक्षक 200 ते 250 विद्यार्थी उपस्थित होते.