नरेश पाटील युवा प्रतिष्ठानच्या वतीने शिवजयंती निमित्ताने वक्तृत्व स्पर्धा संपन्न

पाताळगंगा न्यूज : वृत्तसेवा

खालापूर : २० फेब्रुवारी,

खालापूर तालुक्यातील ढेकू येथे मा. जिल्हा परिषद सदस्य नरेश पाटील, युवा प्रतिष्ठान यांच्या माध्यमातून आणी भाजपा संयुक्त विद्यमानातून शिवजयंती निमित्ताने विध्यार्थ्यांसाठी वक्तृत्व स्पर्धाँचे आयोजन करण्यात आले होते.यावेळी ह.भ.प.रामदास ( भाई ) महाराज पाटील यांच्या हस्ते विजयी झालेल्या विद्यार्थांस पारितोषिक देऊन सन्मानीत करण्यात आले.

खालापूर तालुक्यातील ढेकू येथे गेली बारा वर्षे नरेश पाटील युवा प्रतिष्ठान यांच्याकडून शिवजयंती मोठ्या उत्साहात साजरी केली जात असते.यावेळी या परिसरातील विद्यार्थांनी सहभाग नोंदविला.यावेळी उपस्थित विद्यार्थ्यांनी आपले वकृत्व उत्तम प्रकारे करुन उपस्थितांची मने जिंकली. यावेळी प्रमुख पाहुणे हभप रामदास महाराज पाटील,मा जिल्हापरिषद सदस्य नरेश पाटील यांच्या हस्ते प्रथम क्रमांक आरोही चौधरी, द्वितीय क्रमांक अक्षरा गावडे तर तृतीय क्रमांक जीवन पाटील यांना पारितोषिक देऊन सन्मानित करण्यात आले.

यावेळी संदीप पाटील, अजित देशमुख,विनोद खवले,प्रकाश पाटील, सनी यादव, प्रसाद पाटनील सुखदरे,पांडुरंग कदम,दत्ता पुरी,भाऊ गायकवाड, राकेश जाधव,अमर मानकावळे,अमोल देशमुख यांसह मोठ्या संख्येने नागरिक उपस्थित होते