खोपोलीत भव्य पक्ष प्रवेश सोहळा आणि महिला सक्षमीकरण प्रशिक्षण शिबिर उत्साहात संपन्न

पाताळगंगा न्युज : दत्तात्रय शेडगे

खोपोली : २९ सप्टेंबर,

कर्जत-खालापूरचे कार्यसम्राट आमदार महेंद्र थोरवे यांच्या नेतृत्वाखाली खोपोलीत भव्य पक्ष प्रवेश सोहळा आणि खोपोली शहर शिवसेना महिला व स्वामींनी महिला प्रतिष्ठाण तर्फे सक्षमीकरण प्रशिक्षण शिबिर नुकताच महाराजा मंगल कार्यालयात उत्साहात संपन्न झाला.

या सोहळ्यात मोठ्या संख्येने महिला आणि युवा कार्यकर्त्यांनी सहभाग नोंदवला. महिला सक्षमीकरणासाठी विशेष मार्गदर्शन सत्र आयोजित करण्यात आले होते, ज्यामध्ये महिलांना त्यांच्या हक्कांबद्दल जागरूकता व सामाजिक सहभाग वाढवण्याच्या उपायांवर संवाद चर्चा करण्यात आली.

कार्यक्रमा दरम्यान आ.थोरवे यांच्या नेतृत्वावर विश्वास ठेवत खोपोली,खालापूर येथील नागरिकांनी मोठ्या संख्येने पक्षप्रवेश केला , ज्यामध्ये अनेक नवीन कार्यकर्त्यांनी शिवसेनेत सामील होण्याची घोषणा केली. या सोहळ्याला खोपोली शहर शिवसेना, महिला आघाडी, युवा सेना, युवती सेना व अंगिकृत संघटनां व स्वामींनी महिला प्रतिष्ठाण अध्यक्षा कांचन ताई जाधव व त्यांच्या संघटनेच्या अनेक महिला व पक्ष पदाधिकारी मोठ्या संख्येने उपस्थित होते.