केंद्र स्तरावर पत्रकार संरक्षण कायदा पारित होण्यासाठी पाठपुरावा करणार

केंद्र स्तरावर पत्रकार संरक्षण कायदा पारित होण्यासाठी पाठपुरावा करणार - खासदार सुनील तटकरे

रायगड व खालापूर प्रेस क्लबचा वर्धापन दिन उत्साहात संपन्न

माय मराठी न्युज : वृत्तसेवा

खोपोली : १४ फेब्रुवारी

रायगड प्रेस क्लब व रायगड प्रेस क्लब संलग्न असलेल्या खालापूर प्रेस क्लब चा २० वा वर्धापन दिन व पुरस्कार वितरण सोहळा आज मोठ्या उत्साहात महाराजा मंगल कार्यालयात खोपोली येथे संपन्न झाला. यावेळी राष्ट्रवादी चे प्रदेशाध्यक्ष तथा खासदार सुनील तटकरे यांनी पत्रकारांच्या अनेक समस्यां आहेत मात्र आपण केंद्र स्तरावर पत्रकार संरक्षण कायदा पारित होण्यासाठी पाठपुरावा करणार असल्याचे सुनील तटकरे यांनी सांगितले आहे.

या सोहळ्याचे उद्घाटन खासदार व राष्ट्रवादी काँग्रेसचे प्रदेश अध्यक्ष सुनिल तटकरे व मुख्य विश्वस्त व मराठी पत्रकार परिषद तथा संस्थापक रायगड प्रेस क्लब एस.एम.देशमुख मराठी पत्रकार परिषदेचे अध्यक्ष शरद पाबळे मराठी पत्रकार परिषदेचे अध्यक्ष मिलिंद अष्टीवकर न्यूज एटिन चे वृत्त निवेदिक विशाल परदेशी दै.सागरच्या संपादिका श्रीमती शुभदा जोशी सचिव मनोज खांबे,भाजपचे किरण ठाकरे,माजी नगराध्यक्ष माजी पंचायत समिती सदस्य उत्तम परबलकर प्रसाद पाटील,भाजप चे प्रसाद पाटील, राष्ट्रवादी चे अंकित साखरे,संतोष बैलमारे, ज्ञानेश्वर गायकवाड,जे पी पाटील संजय तंन्ना,दिनेश थोरवे, सुरेखा खेडकर, यासह नवनिर्वाचित रायगड जिल्हा प्रेस क्लबचे अध्यक्ष प्रशांत गोपाळे यांच्यासह राजकीय व अन्य विविध क्षेत्रातील मान्यवर मोठ्या संख्येने उपस्थित होते.

या वर्धापन दिननिमित्त रायगड प्रेस क्लब कडून रायगड जिल्ह्यातील पत्रकार तसेच खालापूर खोपोली परिसरातील पत्रकार व विविध क्षेत्रात नाविन्य पूर्ण कामगिरी करणाऱ्या मान्यवरांचा पुरस्कार देऊन सन्मान करण्यात आला. रायगड प्रेस क्लब कडून यात आचार्य अत्रे राज्यस्तरीय जीवन गौरव पुरस्कार दै.सागर च्या संपादिका श्रीमती शुभदा जोशी यांना व जीवन गौरव पुरस्कार जेष्ठ पत्रकार आनंद जोशी , निशिकांत जोशी स्मृती पुरस्कार विजय कडू , क्रांतीज्योती सावित्रीबाई फुले महिला पत्रकार पुरस्कार स्वाती घोसाळकर, पत्रकार धम्मशील सावंत यांना दीपक शिंदे स्मृती , कमलेश ठाकूर , राजेंद्र जाधव , समाधान दिसले , प्रकाश कदम , सागर जैन , उत्तम तांबे , कुमार देशपांडे यांना व रायगड जिल्हा श्रमिक पत्रकार म्हणून उत्तम तांबडे , गणेश चोडणेकर यांना पुरस्कार प्रदान करण्यात आला.

तसेच खालापूर प्रेस क्लब कडून खालापूर खोपोली व खालापूर तालुक्यात राजकीय, वैद्यकीय, सामाजिक, शैक्षणिक, क्रीडा, प्रशासकीय क्षेत्रासह अन्य क्षेत्रात उल्लेखनीय कामगिरी केलेल्या मान्यवर व्यक्तींचा गौरव करण्यात आला. यात आदर्श सामाजिक पुरस्कार - दिनेश जाधव , आदर्श लोकप्रतिनिधी पुरस्कार - माजी नगरसेविका मानसी काळोखे , आदर्श प्रशासकीय अधिकारी पुरस्कार - नायब तहसीलदार विकास पवार , आदर्श राजकीय व्यक्ती पुरस्कार - प्रफुल्ल विचारे ,आदर्श व्यवसाहिक काशी होम्स पुरस्कार - द , आदर्श सरपंच महेश पाटील , आदर्श शिक्षक श्रीकांत खेडकर , आदर्श वैद्यकीय सेवा सुमित जाधव , व डॉ स्वाती भिसे , जीवन गौरव पुरस्कार बाळाराम म्हात्रे आदर्श ग्रामपंचायत पुरस्कार - ग्रुप ग्रामपंचायत वडवड यांना प्रदान करण्यात आला.तर तांबाटी येथील आदर्श महिला बचत गट व सावरोली येथील गजलक्ष्मी महिला बचत गटा तसेच महिलां बचत गटांना बळ देणाऱ्या सुवर्णा संतोष मोरे यांना विशेष महिला पुरस्कार देऊन गौरव करण्यात आला आहे.

हा सोहळा यशस्वी करण्यासाठी रायगड प्रेस क्लब चे सर्व पदाधिकारी , खालापूर प्रेस क्लबचे प्रशांत गोपाळे, अनिल पाटील, एस.टी.पाटील, रविंद्र मोरे, समाधान दिसले, काशिनाथ जाधव, संतोषी म्हात्रे, राज साळुंखे, नवज्योत पिंगळे, भाई जगन्नाथ ओव्हाळ, आदींनी मेहनत घेतली.

यावेळी खासदार सुनिल तटकरे यांनी बोलतांना पत्रकारांच्या समस्या बाबत लोकप्रतिनिधी जागरूक असून , केंद्र स्तरावर पत्रकार संरक्षण कायदा पारित होण्यासाठी आपण पाठपुरावा करणार असल्याचे सांगितले. तसेच रायगड प्रेस क्लब व खालापूर प्रेस क्लब ही पत्रकारांची संस्था सह एक आदर्श सामाजिक संस्था असल्याचे गौरव उद्देगार काढले . कार्यक्रमाचे अध्यक्ष व मुख्य विश्वस्त व मराठी पत्रकार परिषद तथा संस्थापक रायगड प्रेस क्लब एस एम देशमुख यांनी रायगड प्रेस क्लबचा कार्याचा आढावा घेत जिल्हा व खालापूर प्रेस क्लब च्या कार्याचे कौतुक केले .तसेच माजी अध्यक्ष मनोज खांबे , व नवनिर्वाचित अध्यक्ष प्रशांत गोपाळे यांचे कार्याचेतोंड भरून कौतुक केले .कार्यक्रमाचे प्रस्तावित विद्यमान अध्यक्ष मनोज खांबे यांनी केले .यावेळे मिलींद अष्टविकर , विशाल परदेशी यांनी मार्गदर्शन केले . सूत्रसंचालन जगदीश मरागजे व आभार प्रदर्शन नवनिर्वाचित अध्यक्ष प्रशांत गोपाळे यांनी मानले .पुरस्कार सोहळ्यात महेशबुवा देशमुख यांचा बहारदार मराठी, हिंदी गीतांचा संगीतमय कार्यक्रम आयोजित करण्यात आला होता.

फोटो