लैंगिक शिक्षण, काळाची गरज ,सहज सेवा फाउंडेशनचा स्तुत्य उपक्रम

 लैंगिक शिक्षण, काळाची गरज ,सहज सेवा फाउंडेशनचा स्तुत्य उपक्रम

माय मराठी न्युज : वृत्तसेवा 

खोपोली  : ४ जुलै,

 

         सहज सेवा फाऊंडेशनच्या वतीने विविध उपक्रम हाती घेत असतांना विद्यार्थ्यांसाठी लैंगिक शिक्षण ही काळाची गरज आहे या भावनेनेतून गेली आठ वर्ष हा उपक्रम सुरु असून, हिंदी विद्यालय,खोपोली येथून शुभारंभ करण्यात आला.विद्यार्थ्याच्या मनातील सामाजिक प्रश्नांना व शंकांना व्यक्त होण्यासाठी व माहिती जाणून घेण्यासाठी सहज सेवा फाउंडेशन एक हक्काचं सहज व्यासपीठ म्हणुन समाजात ओळख ठरविण्यात यशस्वी झाले आहे.

              सहज सेवा फाऊंडेशनच्या वतीने विविध उपक्रम राबवित असतांना अन्न सेवा,स्वर्ग रथ सेवा, शव पेटी,वैद्यकीय साहित्य सेवा, सामुदायिक विवाह सोहळा, झाडाखालील शाळा, सायबर क्राईम मार्गदर्शन,नदी पुजन व आरती, पर्यावरण पूरक उपक्रम,कन्या सन्मान सोहळा यासारखे विविध उपक्रम या फाऊंडेशनच्या द्वारे घेत असतात.

            पुणे येथे वैद्यकीय सेवेत कार्यरत असणाऱ्या डॉ. विशाखा पवार यांच्या अचूक मार्गदर्शनाचा विद्यार्थी व विद्यार्थिनींना मार्गदर्शनचा लाभ झाला.यावेळी विदयार्थिनींनी विचारलेलल्या प्रश्नांना डॉ. विशाखा पवार यांनी समर्पक उत्तरे दिली. मोकळेपणाने साधलेल्या उपक्रमात गुड टच, बॅड टच वर देखील मार्गदर्शन करण्यात  आले.

         सदर उपक्रम यशस्वी करण्यासाठी सहज सेवा फाउंडेशनचे अध्यक्ष डॉ. शेखर जांभळे, सचिव अखिलेश पाटील, खजिनदार संतोष गायकर,महिला अध्यक्षा निलम पाटील,जनसंपर्क प्रमुख जयश्री कुलकर्णी,युवा अध्यक्ष सागरीका जांभळे,आयुषी तिडके तसेच हिंदी महाविद्यालयचे मुख्याध्यापक डॉ.भाईदास पाटील,रेश्मा बांदल,सुप्रिया घोसाळकर,जितेंद्र नरवडे, मीनाक्षी प्रपंडे,निलिया चन्ने,गीता पाटील तसेच शिक्षक उपस्थित होते.